IKASKUNTZA PROZESUAREN LABURPENA

Lauhilabetea bukatu egin da, beraz ikasgaiari bukaera eman behar zaio eta kurtsoari baita. Azken sarrera honetan, bigarren lauhilabetean zehar ikasitakoa laburtuko dut eta horretarako portafolioaren laguntza behar izango dut.

Egia esanda, lauhilabetea hasi zenean ez nekien zer zen Didaktika Orokorra, edo ze demontre egingo genuen klaseetan, orokorrean ez nekien ezer ez. Baina lehenik eta behin eskerrak eman nahi nizkioke izan ditudan bi irakasleei, Maitaneri eta Alitzeri, lan handia egin dutelako Unitate Didaktikoari buruzko lana egiterako orduan edota klaseak ematerako orduan. Orokorrean, lauhilabete honetan nahikoa ikasi dut eta lehen ez nekizkien ezagutzak lortu ditut.

Behin klaseekin hasi ginenean, oso ideia ona iruditu zitzaidan azterketak kentzea eta bakarrik blog bat egitea eta kurtsoa bukatzerakoan Unitate Didaktikoaren lan bat egitea, baina asteak aurrera joan ahala ez zitzaidan oso ideia ona iruditu blogarena, hau da, astero sarrera bat igo behar genuen gure blogera azalduz zer egin dugun astean zehar, baina azkenean, guk onartu genuen azteketa ez egitea, beraz bloga egin behar genuen bai ala bai.

Bigarren astean, K2 Modulu lana azaldu ziguten eta Heziberri Curriculuma zer zen azaldu ziguten. Lehenengo asteetan, lehenengo fasearekin egongo ginen lan egiten eta asteak pasa ahala beste bi faseekin jarraituko genuen. Hasieran, ez genekien zer zen Heziberri Curriculuma eta zer egin behar zen horrekin baina orain, kurtsoa behin bukatuta, badakigu nola erabili Curriculuma lanak egiteko. Aste horretan baita ere Heziberriren mapa kontzeptual batzuk egin genituen argiago ikusteko zenbat atal zituen eta nola erabiltzen zen.

Hurrengo astean, hau da, 3.astean, K2 Modulu lanarekin jarraitu genuen eta bigarren fasearekin hasi ginen. Bigarren fasea, konpexuena izan da eta gehien kostatu zaiguna izan da. Aste horretako egun batean, Alaitzek taula bat eskaini zigun guk jakiteko nola egin behar genuen fase hori, eta horri esker, argiago izan genituen gure ideiak.

Laugarren astea, Didaktika orokorrean barneratu gara eta informazio gehiago izan dugu. Alaitzek, artikulu bat eman zigun didaktikari buruzkoa eta aman komunena jarri genuen, hau da, taldeka jarriz bakoitzak orrialde bateko ideia nagusiak azpimarratu behar zituen eta gero beste taldeei azaldu. Klase horiek oso baliagarriak izan ziren, asko ikasi genuelako. Ostiral horretan, jarduera desberdin bat egin genuen. Taldeka jarriz, hiru liburu eman zigun eta liburu horien ezaugarriak hartu behar genituen eta eskema batean aipatu. Horrez gain, gehien gustu zitzaiguna esan behar genuen eta liburuen argazkiak atera behar genituen. Gure liburuen izenburuak hauek ziren; "Mi escuela sabe a naraja", "Educación infantil" eta "Aprender y enseñar en educacion infantil".

Hurrengo astean, gure bi ikaskidek aurkezpen bat eskaini ziguten, goi mailako zikloa egin zutelako. Egia esanda, nahiko ikasi genuen, azaldu zutelako zer egiten zuten praktiketan . Ostiralean,  Loczy-ren lanketarekin hasi ginen eta horretarako, dokumentalaren zatitxo batzuk ikusi genituen gelan.

Seigarren astean, beste aurkezpen bat egon zen eta hainbat galdera egin zituzten metodologiari buruz, nola sentitu ginen Haur eskolan, nolakoak ziren gue irakasleak... eta ostiralena, Loczy-ren dokumentalarekin bukatu genuen.

Zortzigarren astea, oso desberdina izan zen, irakasle berria iritsi zelako, Maitane. Lehen egunean, Unitate Didaktikoaren lana azaldu zigun, pixkanaka- pixkanaka lanarekin hasteko. Hasieran pentsatzen genuen oso erraza izango zela baina azkenean nahiko konplexua izan da eta gainera aurkezpenak egin behar izan ditugu. Ostiral horretan, aurkezpenak hasi ziren eta talde batzuk oso urduri zeuden ez zekitelako zer egin behar zuten.

Bederatzi eta hamargarren asteetan, Unitate Didaktikoarekin jarriatu genuen eta lehenik eta behin egoraren azterketa egin genuen eta bertan jarri behar genuen zein ikastetxean egingo genuen proiektua, zein gai aukeratuko genuen etab eta ostiralean, aurkezpenak jarriatuko ziren.

Aste Santutik bueltan, K2 moduluarekin bukatu genuen eta berriz ere lanarekin jarritu genuen, eta lanaren beste atal batzuk azaldu zigun, hala nola, metodologia, edukiak, asmoak... eta pixkanaka, talde bakoitzak bere lana garatu behar zuen. San Prudentzio jaiak gainean genituen eta ondorioz, klase ordu gutxiago izango genituen, beraz aste horretan ez genuen ezer berezirik egin.

Behin Maiatzean sartuta, kurtso bukaera laister ailegatuko zen eta orduan lan guztiak etregatu behar genituen. Azken bi asteetan, indarrez egon gienen lanak bukatzen eta aurkezpenak hobekien egiten. Azken egunetan aurkezpen guztiak bukatu genituen eta lanak entregatu genituen beraz bukatu egin dugu!!!

Astez-aste egindakoa laburtu ondoren, konturatu nahiz lan asko egin dugula kurtsoan zehar eta asko ikasi dudala eta nire buruarentzat aberasgarria izan dela. Lauhilabeta honetan, ahalik eta parte hartze aktiboena izaten saiatu nahiz eta oso gustora egon naiz.

Besterik gabe, eskerrik asko guztioi eta hurrengora arte!!

AZKEN ASTEA!

15.aste hau azkena da, beraz gure kurtsoa  bukatu da eta azterketak laister hasiko dira. Aste honetan zehar, Unitate Didaktikoaren aurkezpenekin jarritu dugu eta oso interesgarriak izan dira.
Asteratean bakarrik talde batek egin zuen aurkezpena. Talde hori, Iñakerena, Maddirena, Annirena eta Julenena zen eta planetei buruzko aurkezpena izan zen. Lehenik eta behin  planeta batzuen ezaugarriak azaldu ziguten eta ondoren taldeka jarri ginen eta talde bakoitzak planeta bat marraztu beharko zuen. Gure taldeari, Marte planeta tokatu zitzaigun eta oso marrazki polita egin genuen.
Asteazkenean, bi taldek egin zuten. Lehenengo taldea, Anderrena, Sandrarena, Arraterena eta Nerearena izan zen eta kontinentei buruzko azalpena eskaini ziguten. Lehendabizi, kontinenteen izenak esan genituen eta gero jarduera bat egin genuen parkean. Parkean behin geundela, "Stop" jolasera jolastu genuen baina libratzeko goitik salto egin behar genuen edo besarkada bat eman. Auzkezpena behin bukatu zenean, bigarren taldea hasi zen. Mikelek, Leirek, Helenak eta Uxuek, animalieI buruzko aurkezpena egin zuten eta animalien soinuak jarri zituzten eta guk asmatu behar genituen eta  jarduera hau oso barregarria izan zen.
Ostiralean, hiru taldek egin zuten. Lehengo taldeak, baita ere animalien gai hautatu zuten eta diferentzien jolasa egin genuen eta ondoren, zikoin baten marrazkia egin genuen. Bigarren taldearen aurkezpena oso polita izan zen eta urtaroei buruzkoa zen. Salburuako atarira joan ziren eta bertako istalakikuntzak grabatu zituzten guri aurkezteko. Azken aurkezpena, pelikulei buruzkoa zen eta baita ere oso jarduera barregarri bat egin genuen. Ordenagailuan pelikula famatu batzuen musika jarri zuten eta guk asmatu behar genuen, adibidez, Heidirena... Ostiralean, Unitate Didaktikoaren lana entregatu genion Maitaneri eta beraz, lanekin baita ere bukatu genuen.

14.ASTEA, AURKEZPENAK

14. astea iritsi da eta Unitate Didaktikoa bukatu dugu eta behin bukatuta, aurkezpenak hasi dira. Gutxi falta da kurtsoa bukatzeko eta beraz, lan guztiak entregatu behar ditugu eta pendiente dauden aurkezpenak egin behar ditugu.
Asteartean, gure lau ikaskidek, aurkezpen bat egin ziguten Unitate Didaktikoari buruzkoa. Lau neska hauek Haur Hezkuntzako Goi mailako zikloa egin dute beraz beraien esperientziak kontatu zizkiguten guk jakiteko nolakoak diren praktikak zer egin haurrekin etb. Aurkezpena nahiko interesgarria izan zen eta oso lagungarria izan zen.
Azteazkena iritsi zenean, Maitanek ordu osoa utzi zigun Unitate Didaktikoarekin jarraitzeko eta K2 modulua amaitzeko, beraz ordu osoa egon ginen bi lan hauek bukatzen eta lanekin geneuzkan hainbat arazo konpontzen.
Ostiralean, aurkezpenak hasi ziren eta hiru taldeek egin zuten eta horietako bat gure taldea zen. Lehengo taldeak, zentzumenei buruzko lana egin zuten eta ariketa interesgarri bat egin genuen. Animali batzuen soinuak jarri zituzten eta asmatu behar genuen zein animali zen eta ondoren haiek esaten zituzten erantzunak. Bigarren taldeak, ipuin bat kontatu ziguten haizeari buruzkoa eta baita ere oso interesgarria izan zen.
Azkenengo taldea, gurea izan zen. Hasteko, gure lanaren sarrera azaldu genuen eta ondoren bi jarduera proposatu genituen. Lehengo jarduera parkean egin genuen eta binaka jarrita bi hosto desberdin hartu behar zituzten. Bigarren jardueran, ikasle bakoitzak orri batean hartutako hostoa inguratu behar zuen boligrafoarekin.

13.ASTEA

Gutxi falta da kurtsoa  eta Unitate Didaktikoa bukatzeko. Aste honetan zehar, ebaluazioa azaldu digu eta horretarako egelara power point bat igo du hortik informazioa lortzeko. Asteartean, aurkezpena egin behar zuten taldeak Maitanerekin egon ziren eta besteok lanarekin jarraitu genuen. Asteazkenean, berriz ere Unitate Didaktikoarekin jarraitu genuen baina oraindik ez genuen ebaluazioa osatu ostiarlean azalduko zuteleko, beraz, guru lana hobetu genuen.
Ostirala ailegatu zenean, aurkezpenak hasi ziren. Gure klasean, hiru aurkezpen egon ziren. Talde batek, artikulu bat jarri zuten eta azaldu zuten zer nolako iritzia zuen Mondragoneko irakasle batek.

12.ASTEA

Aste Santuko oporra behin bukatuta, berriz ere klaseak hasi dira. Aste honetan zehar, Unitate Diktikoarekin jarraitu dugu. Asteartean, Maitanek metodologia irizpideak azaldu zituen eta hurrengo egunean hiru taldeek aurkezpen bat egin  zuten eta horietako bat gu izan ginen eta horretarako Maitanek metodologiari buruzko power point bat aurkeztu zigun.
Hurrengo egunean, aurkezpen eguna iritis zen. Nire taldea, modulu taldea, aurkezpen bat egin genuen metodologia azaltzen. Lehenik eta behin bost boluntario atera ziren gurekin arkezpena egiteko. Gure aurkezpenean, azaldu genuena izan zen nola egin klase perfektu bat, hau da, nola izan beharko zen metodologia perfektu bat. Hasieran, Jonek metodologiaren definizioa azaldu zuen guztiok jakiteko zer zen. Ondoren, hainabat printzipio azaldu genituen, ala nola, afektibotasun printzipioa, globalizazio printzipioa, aktibotasun printzipioa, bakoitze printzipioa eta transferentzia printzipioa. Eta aurkezpenarekin bukatzeko, gelaren antolaketa azaldu genuen, hau da, nola egon beharko litzateke antolatuta Haur Hezkuntzako gela bat.
Hau izango litzateke gure eskema:

METODOLOGIA - DIDAKTIKA OROKORRA

1. AFEKTIBOTASUN PRINTZIPIOA ZAINTZEA: ahots leuna, mugimendu lasaiak, giro atsegin eta goxoa sortzea, umeak diren moduan onartzea, haien gaitasunetan konfiantza izatea…

2. Oporretan egindakoa korroan komentatu, haien interesei erantzun (pelikularen bat ikusi badute adb eta gai horri buruz gehiago jakin nahi badute, hori landu)  GLOBALIZAZIO PRINTZIPIOA ETA AKTIBOTASUN PRINTZIPIOA. (IRAKASKUNTZA KOLEKTIBO PRINZTZIPIOA BAZTERTUZ: irakasleak bere ezagutzak transmititzea eta haurrek entzutea, gero irakasleak galderak eginez). Gaia beste egun batean landu behar izango denez, egun horretan jolas librea txokoetan TALDEKA JARRI haurrek nahi duten moduan, egoki iruditzen zaien kopuruetan, baina HETEROGENEOTASUNEZ,  eta espazioa, denbora eta baliabideak malgutuz eta dibertsifikatuz            BAKOITZE PRINTZIPIOA.

3. Guztiok elkarrekin daudenez BIGARREN SOZIALIZAZIOA emango da (1. sozializazioa: familiarekin etxean ematen dena, 2. sozializazioa: eskolan).

4. TRANSFERENTZIA PRINTZIPIOA: adb pelikulan DINOSAURIO gaia            hurrengo astean dinosaurio gaia landu eta aurreko ezagutza (A) eta berria (B) elkartuz (C) atera.

5. GELAREN ANTOLAKETA ZAINTZEA: Espazioa: segurua, harkorra eta pizgarria. Materiala: segurua, pizgarria, ondo banatua eta ordenatua.  Denbora: erritmo eta beharrizanak kontuan hartu. Taldekatzea: beraien artean edo hezitzailearekin erlazionatzeko era; segurua eta aberasgarria. Arauak: justifikatuak, hitzartuak eta funtzionalak.

6. METODOLOGIA DEFINIZIOA (sarrera moduan): Metodologia nola irakatsi galderari buruzko hausnarketa da. Ikastetxe, ziklo, maila, ikasgai, arlo, etab. batean zer printzipio, metodo, estrategia, teknika, jarduera, gelaren antolakuntza, etab. erabili behar ditugun argitzen duen hausnarketa.

11.ASTEA

Aste hau oso motza izan da, Aste Santuko oporrak iritsi direlako. Bakarrik klasea izan genuen asteartean eta azteazkenea. Asteartean, Unitate Didaktikoarekin jarraitu genuen eta taldeka jarriz, edukiekin jarraitu genuen.
Azteazkenean, azkenean ez genuen klaserik izan, K2 modulu lanaren tutoretzak zeudelako. Gutxi falta zaigu lanarekin bukatzeko. Bakarrik falta zaigu hirugarren fasea ondo bukatzea eta 10erako bukatuta eta bidalita egon behar da, beraz animo!

10.ASTEA

Aste honetan zehar, unitate didaktikoarekin jarraitu dugu eta Maitanek beste zati bat azaldu digu, edukiena. Edukien atala ondo egin ahal izateko, Maitanek power point bat igo zuen egelara guk ikusteko  nola egin genezake. Unitate didaktikoa hainbat zati desberdin ditu eta aurreko astean asmoak azaldu zituen eta gaurko honetan, edukiak azaldu ditu. Baita ere, aurkezpenekin jarraitu dugu, eta ostiralean, Maddik eta Iñakek aurkezpen bat egin zuten edukiei buruz. Lehenik eta behin, definizioa aurkeztu zuten, ondoren motak azaldu zituzten eta azkenik, bideo bat jarri zuten.

9.ASTEA

Bederatzigarren aste honetan, unitate didaktikoarekin jarraitu dugu, hau da, lehendabizi, egoeraren azterketa egin behar izan dugu. gure kasuan hau izango litzateke gure azterketa: 

• Ingurua:

Eskola herri txiki batean dago eta polikiroldegi bat, baratza bat, jantokia eta bestelako zerbitzuak eskaintzen ditu. Eskola berdegunez eta etxez inguratuta dago.

Populazio-tasa gorantz doa eta inguruaren maila-sozioekonomikoa ertaina-altua da.

• Ikastetxea:

Ikastetxe publikoa da, D eredukoa eta Haur eta Lehen Hezkuntza etapak ditu. Ikastetxeak 13 maisu-maistra ditu, atezaina, garbitzaileak eta jantokiko pertsonala. Gainera, ingelera eta musika lantzeko espezialista bina ere bai.

Ikastetxeak mantentzen dituen printzipioen artean hurrengoak daude:

• Ongizatea bermatzea
• Ikasleen autonomia erraztea
• Jolasa, ikerketa lantzea
• Globalizazioa ekitzea
• Era askotako komunikazioa erabiltzea
• Parte-hartzea erraztea
• Hezkidetza

Gelez gain, liburutegia, jantokia, polikiroldegia, jolastokia, musika eta plastika gelak, koltxoneta gela eta bideo-gela daude.

Ikastetxearen ordutegia: 9.00etatik 12.30ak arte goizez eta 14.30etatik 16.40ak arte arratsaldez. Ordutegi horretan, eskolaz kanpoko jarduerak, gosari eta askariaren zerbitzuak sartuta daude.

• Irakasleak:

Irakasleak primeran koordinatzen dira mailaka eta zikloka planifikatzen dute; zikloen eta etapen arteko koordinazioa oso ona da. Maisu-maistrek inguruarekiko erlazioa oso garrantzitsutzat hartzen dute eta familiekiko eguneroko komunikazioa dago.

• Gelak:

Geletan erabiltzen diren planifikazio, metodologia eta ebaluazio sistema Ikastetxearen Hezkuntza Proiektuan eta Ikastetxearen Curriculum Proiektuan jasotzen diren hastapen edo printzipioekin bat datoz.

Espazio, denbora eta baliabideei dagokienez, gelak txoko/tailerren bidez antolaturik daude. Gela guztiek baliabide nahikoak eta aproposak dituzte.

Bi etapetako talde guztiek ikastetxearen gela espezifikoak erabiltzen dituzte zenbait jarduera burutzeko eta batzuetan pasabideak eta jolastokia erabiltzen dira tailerrak egiteko.

Hilabetero, gutxienez, egun oso bat hartzen da eguneko txangoren bat egiteko.    

• Haurren familiak:

Familia nuklearrak dira nagusi. Duten kultura eta ekonomia maila ertain-altua da eta gehiengoaren ama hizkuntza familia euskara da.

Familiak seme-alaben hezkuntzaz interesaturik daude baina esan beharra dago, kalifikazioei eta jokabide normalizatuei ematen dietela arreta batez ere.

Gurasoek maisu-maistrekiko erlazio oso ona mantentzen dute sarrera eta irteeretan, eta horrez gain, askotan eskatzen dute zita bat hitz egiteko, arazoei buruz mintzatzeko edo eta ebaluazio txostenak komentatzeko. Guraso gutxik irakasleekin lan egiten dute eskolaz kanpoko jardueretan, txangoetan, gelako jardueretan, jaien prestakuntzan.

Gainera, gurasoek oso harreman ona mantentzen dute haien artean, izan ere, guztiak herri txiki batean bizi direnez, eguneroko daude kontaktuan haien artean.

• Haurrak:

Orokorrean haien adineko garapen patroietan kokatzen dira, hau da, arreta, oroimena, sormena onak dituzte eta horrez gain, lan egiteko gogoa eta ikasteko interesa adierazten dute. Hizkuntzari dagokionez, ahoskera ona dute, ulertze maila egokia eta hiztegi aberatsa dituzte.

Talde mailan, esan daiteke haur guztiak integraturik daudela baina hala ere, geletan objektu pertsonalekin loturiko gatazkak ere agertzen dira. Aisian mantentzen dituzten ohiturak telebistarekin, markekin, goxokiekin lotzen dira.

Azteazkenean, asmoak azaldu zituen eta power point bat igo zuen talde bakoitzak eskema ondo jarraitzeko eta asmoak ondo egiteko.

Ostiralean, aurkezpenekin jarraitu genuen eta asmoekin zerikusia zuten aurkezpenak egon ziren, hau da, talde bakoitzak aurkezpen bat egin beharko du unitate didaktikoa kontuan izanda.

8.ASTEA. Irakasle berria!

Aste honetan, irakasle berri bat etorri da eta gurekin egongo da kurtsoa bukatu arte. Irakasle berria, Maitane deitzen da eta lehenengo egunean, unitate didaktikoari buruzko lana azaldu digu. Taldeka, egoera baten azterketa egin beharko dugu eta bukatzen dugunean aurkeztu beharko dugu, baina aurretik, astero talde bakoitzak aurkezpen bat egin beharko du eta bideoak edo artikuluak erabili ahal dira.
Asteazkenean, Maitanek hobeto azaldu digu zer egin behar dugun, eta modulu laneko taldeetan jarri beharko gara eta unityate didaktikako lana egin.
Ostiralean, aurkezpenak hasi dira. Egun honetan bi taldek aukeztu egin digute eta talde batek korrikako artikulu bat irakurri digute eta beste taldeak bideo batzuk jarri dituzte.

7.ASTEA

Asteartean, Alaitzek, aurreko sarrerako liburuetako ariketak eman dizkigu eta zuzendu ditugu.

Lehengo liburua, "Aprender y enseñar en educación infantil" da. Liburu hau, ikaskuntza analizatzeko eta hobetzeko ideiak eta orientazioak azaltzen ditu. Liburu honetan deigarriena iruditu zaiguna 347 eta 348.orrialdeko planoak izan dira, hau da, asko gustatu zaigu jakitea nola antolatzen diren haur hezkuntzako klaseak. Familiari garrantzia ematen dio. 314.orrialdean esaten du "la familia y la escuela: dos contextos diferentes, un obejtibo común". Orokorrean, teoriarekin zerikusia duen liburu bat da.
BIBLIOGRAFIA: Bassedas.E,Hugel.T,Solé.I(2006). Aprender y enseñar en educación infantil. Barcelona: Graó.

Bigarren liburua, "Mi escuela sabe a naranja" da. Liburu honetan ez dago esplizituki agertzen den teoriarik, izan ere, edukiak istorioen bidez modu inplizituan jasotzen dira. Kapituluen tituluak eta azpititiluak nahiko deigarriak dira eta ondorioz, irakurlearengan liburua irakurtzeko gogoa pizten du, hala nola, ¿Quien soy yo?, "La Palabra".

BIBLIOGRAFIA: Diéz Navarro.MC(2007),Mi esculea sabe a naranja. Barcelona:Graó

Hirugarren liburua eta azkena, "Educación infantil" da. Orokorrean, liburu honetan edukiak hiru deskribatzailetan laburbiltzen dira, kultura, hezkuntza eta garapena. Liburua lau zatitan banatzen da, lehenengoa Haur Hezkuntza erreforma garaian. Bigarrena hauraren eboluzioa, garapena eta ikaskuntza. Hirugarrena curriculumaren agerpena Haur Hezkuntzan eta azkenik laugarrena, Haur Hezkuntza eskolaren planifikazioa. Nahiz eta liburu honen portada nahiko deigarria izan, teoriaz beteta dago.
BIBLIOGRAFIA: Gallego Ortega,JL(1998).Educación Infantil. Málaga: Aljibe.

Asteartean, gure ikaskideak Garazi, Itsaso eta Nagorek, Unitate Didaktikoaren aurkezpen aurkeztu ziguten eta hirugarren mailako zehaztapen mailan oinarritu ziren. Unitate Didaktikoren definizioa esan zuten; irakaslearen lana antolatzeko baliabidea da. Lan hau, planifikatzen ikasteko eta curriculuma kontrolatzeko balio du eta orokorra eta zehatza izan behar da. Irakasle bezala, praktika hobetzeko, aniztasunari erantzuteko eta haurren beharretara egokitzeko balio du eta elementu nagusak, justifikazioa, jarrera, testuingurua dira. Helburuei dagokionez, orokorra eta espezifikoa izan behar da eta edukiei dagokionez, hiru multzo desberdin daude. Kontzepztuzkoak, jarrerazkoa eta prozedurazkoak.

6.ASTEA!

Kaixo guztioi:

Aste honetan zehar, beste ekintza desberdin egin ditugu kalsean. Asteartean, gure ikaskideak Amaia eta Anek goi mailako zikloko aurkezpenarekin jarraitu zuten eta informazio gehiago eman ziguten. Aurkezpenarekin bukatu zutenean, galdera batzuk aurkeztu zizkiguten eta K2 moduluko taldeetan
jarrita erantzun genituen. Galderak hauek ziren;

• Zer da zuretzako irakasle on bat? Entzuten jakitea, enpatia izatea, komunikazio gaitasun ona izatea, errepetua etb
•  Ze ezaugarri, jarrera, eduki behar ditu irakasle on batek? Uste dugu enpatia ezugarri garrantzitsuena da.
•  Izan dituzun irakasleetatik, zein izan da gehien gustatu zaizuna eta zergaitik? Niri klas eman didan irakaslerik hoberena, batxilergoko irakasle bat izan da, Xabier deiturikoa. Beraren klaseak oso dinamikoak ziren, ez zegoen hainbesteko teoriarik, oso interesgarriak ziren...
• Ze metodologia da zuretzat egokiena? Metodologiarik egokiena, Maria Monteaorinena da.
•  Zure ustez, nola ebaluatu beharko litzateke haur hezkuntzan? Haurra behatzen, bere prozesua aztertzen eta ebaluatzen.
• Nola antolatuko zenuten gela? (espazioa eta denbora) Uste dut txokoak direla aukerarik egokiena gela antolatzeko. Hau da, txoko bakoitzean jarduera desberdin bat egitea.

Taldeka galderak erantzuten bukatu genituenean, guztiok batera amankomunean jarri genituen eta talde bakoitzak bere erantzunak esan zituen.

Asteko azken egunean, ostiralean, Loczy-ren bideoarekin jarraitu genuen. Egun horretan ikusi genuen pasartean hainbat informazio ematen zuen metodologiari buruz eta baita ere agertzen zen nola lan egiten zuten. Ikastola horretan, gurasoak klasean egon ahal ziren eta umeekin jolastu. Irakasleak, lasaitasuna transmititzen diete umeei eta baita ere animatu egiten dute. Umeen artean arazo bat baldin badago, enpatia asko dute, hau da, badakite ze hitz erabili. Egun guztietan berdina egiten da, hau da, korografia bat bezalakoa da, siesta, hamaiketakoa etb.

5.ASTEA

Bostgarren aste honetan zehar hainbat ariketa desberdin egin ditugu, baina aurretik, K2 moduluko lanarekin jarraitu dugu eta azaldu digu noiz izango diren tutoretzak, bigarren fasearen feedback-a etb.
Alaitzek esan digu, aste honetan zehar jarduera desberdinak egingo ditugula eta ez ditugu hainbesteko lanak egin. Didaktika orokorrean barneratzeko, Amaiak eta Anek, gure klaseko ikaskide batzuk, Haur Hezkuntzako goi mailako zikloko aurkezpena egin digute. Bi ikaskide hauek erabaki dute aurkezpen hau egitea guk jakiteko zer egin duten kurtso horretan zehar eta didaktikari buruzko hainbat informazio azaldu dizkigute.
Asteazkenean, aurreko asteko artikuluarekin bukatu dugu. Taldeka jarriz, talde bakoitza bere ideia nagusiak esan dituzte eta horrela, artikuluak landu dugu.
Ostiralean, dokumental bat ikusi dugu Loczy buruzkoa. Dokumental honetan agertzen da nola orfanatu batetik, eskola bat sortu zen. Bertan umeek jolasten dute, ez daude haur askorik, gauzak bere kabuz egiten dituzte.

4.ASTEA: DIDAKTIKA OROKORRA IRAKASGAIA BARNERATZEN

Kaixo guztioi:

Laugarren aste honetan, didaktika orokorrrean barneratu gara eta Didaktikaren definizioa eskaini digu; Didaktikak ikaskuntza-irakaskuntza prozesuak ahalbidetzen duen eta testuinguru jakin  bateko curriculuma kontuan hartuz ikaslearen formakuntza integrala xede duen zientzia da.  Baina oraindik ere K2 moduluko hainbat gauzekin arazoak izan ditugu,  beraz Alaitzek hobeto azaldu dizkigu.
Aurreko ostiralean, ez genuen bukatu artikulua irakurtzen eta ideak ateratzen beraz, teoria klaseetan, beste taldearekin komunean jarri ditugu ideia nagusiak eta jarraitu egin dugu pixka bat gelditzen zitzaigunarekin.
Aste honetako ostiralean, Alaitzek esan zigun, sorpresa bat zuela klasean egiteko,baina aurretik, proiektuen eta unitate didaktikoen ezaugarriak eta ezberdintasunak irakurri genituen, pixkanaka pixkanaka, Didaktika Orokorraren ezaugarriak barneratzeko. Bukatu genuenean,sorpresa etorri zen. Taldeka jarri ginen eta talde bakoitzari hainbat liburu eman zien eta liburu horien ezaugarriak eta idea nagusiak atera behar genituen. Horrez gain, gehien gustatu zitzaiguna esan behar genuen eta liburuen argazkiak atera behar genituen, gero blogean ipintzeko. Liburuen izenburuak hauek ziren; "Mi escuela sabe a naranja", "Educación infantil" eta "Aprender y enseñar en educación infantil". Liburu hauek oso interesgarriak ziren eta nahiko deigarriak.

Hurrengo astera arte!

3.ASTEA

Egun on!

Hirugarren aste honetan, Haur Hezkuntzako Heziberri Curriculumarekin jarraitu dugu, oraindik ez dugu guztiz menperatzen , hau da, galerak ditugu, eta gure lehenengo aldia denez curriculuma aztertzen,  ez dakigu ondo nondik doan.
Ukitu dugun beste gai bat, K2 moduluko lanaren bigarren fasea izan da. Bigarren fase hau, beste faseekin konparatuz, konplexuagoa da, eta horretarako, Alaitzek taula bat erakutsi digu eta beste taula bat eman digu, fasea ondo egiteko eta ulertzeko. Bertan, proiektu baten adibide bat agertzen da eta honen bidez, gure proiektua bideratu dezkegu.

Hau da taula:

Egin dugun beste gauza bat, artikulu baten azterketa izan da eta nola ez Curriculumarekin zerikusia du. Artikulu hau honela deitzen da: "De las programaciones didáctica a la unidad didáctica: incorporación de competencias básicas y la concrecion de tareas". Artikulu honen bidez egin nahi dutena da heziketa printzipioak berrestea. Klasean, orrialde bakoitzeko ideia nagusiak atera ditugu eta bakoitza esan behar izan du zer gustatu zaion edo zer ez duen ulertu.

Hurrengo astera arte!

2.ASTEA

2,astean zehar, K2 moduluko lanarekin eta Heziberri Curriculumarekin jarraitu dugu. Heziberri curriculuma argiago gelditzeko, aurreko asteko mapa mentalarekin jarraitu dugu eta bigarren partea egin dugu. Mapa bukatuta eta zalantzak argituta, modulu gidaren beste mapa mental bat egin dugu lanaren faseak ondo bereizteko. Egia esanda, oraindik ez dakigu nola erabiltzen den Curriculuma eta zertarako balio duen, baina espero dut kurtsoa bukatzerakoan erabiltzen ikastea.

Oraindik klaseko hainbat klasekideek ez dugu ondo ulertu modulu lanarena beraz, azken klasea eman dugu zalantzak argitzen eta baita ere lanaren 2.fasea azaldu digu orokorrean.
Beste zalantza bat portafolioarena izan da eta azaldu digu nola bidali behar diogun linka eta nola egin etiketak. Lehenik eta behin, egelaren bidez bidali behar diogu gure blogaren linka eta ondoren sarrera bat egiten dugunean, etiketa batzuk jarri behar ditugu.

Hona hemen heziberriren mapa mentala:

Hona hemen modulu gidaren mapa mentala:

Besterik gabe hurrengo astera arte!

1.ASTEA

DIDAKTIKAREKIN HASTEN

Kaixo, Jone naiz, Haur Hezkuntzako 1.mailako ikaslea eta Gasteiztarra naiz. Haur Hezkuntza ikastea erabaki dut haurrak gustuko ditudalako eta gogo handiak ditut kurtsorekin jarritzeko.

Aste honetan zehar, didaktikari buruzko informazioa eman digu Alaitzek, hau da, azaldu digu zer egingo dugun lauhilabete honetan zer ikasiko dugun, zenbat lan egingo ditugun, ebaluatzeko kriterioak eta ikaskideak izan dituzten zalantzak argitu ditu.

Ikasgai honetak egingo dugun lan inportantea, portafolioarena izango da, beste modu batera esanda eguneroko bat. Eguneroko honetan, astean zehar ematen digun materiari buruzko hausnarketa bat egingo dugu, hau da, astean zehar ikasi dugun guztia portafolioan jarri behar dugu, honen bidez jakingo dugu zer egin dugun eta hurrengo urtean jakingo dugu zer egin genuen pasaden urtean.

Baita ere, modulu lanean aritu gara eta azaldu digute zer egin behar dugun eta nola. Lan hau irakasgai guztietarako berdina da. Lan honi buruz hainbat arazo izan ditugu baina Alaitzek arazoa konpondu digu. Lan honetarako taldeka jarri behar gara eta gai bati buruzko informazioa eman,

baina beti ere beste irakasgaien laguntzarekin.

Beste alde batetik, Heziberri curriculuma aztertzen hasi gara eta honi buruzko mapa kontzeptual bat egin dugu hobeto ikasteko. Hona hemen mapa kontzeptuala.

Besterik gabe ongi etorri eguneroko honetara.